Галоўная >>> БК прапануе

БК прапануе дадатковае навучаньне па спэцыялізацыях:

— журналістыка

— найноўшая гісторыя

— філязофія/літаратура

Практычныя заняткі, скіраваныя на стварэньне ўласных тэкстаў, заангажаванасьць студэнтаў у дасьледніцкія праекты, у дзейнасьць інтэлектуальных і культурніцкіх асяродкаў, зьвязанай з выданьнем недзяржаўных СМІ, інтэлектуальных і культурніцкіх часопісаў.

Удзел у рэалізацыі праектаў недзяржаўных арганізацыяў.

Стажыроўкі ва ўнівэрсытэтах і навучальных установах краінаў Цэнтральнай і Ўсходняй Эўропы.

Навучальныя праграмы БК арыентаваныя на выкладаньне найноўшых фрагмэнтаў сучаснай веды.

Прымаюцца студэнты старэйшых курсаў гуманітарных спэцыяльнасьцяў альбо асобы з вышэйшай адукацыяй па выніках анкетаваньня і сумоўя. У выключных выпадках прымаюцца й студэнты малодшых курсаў.

Навучаньне ў БК ажыцьцяўляюцца шляхам:

— правядзеньня практычных заняткаў, сэмінараў і курсаў лекцыяў;

— арганізацыі асобных навучальных праектаў і індывідуальных заняткаў са студэнтамі.

Навучаньне ў БК — бясплатнае.

Апрача навучальнай дзейнасьці БК:

— ажыцьцяўляе навукова-дасьледніцкія праекты;

— праводзіць міжнародныя навуковыя і навучальныя сэмінары і канфэрэнцыі;

— стварае бібліятэку навуковай і мэтадычнай літаратуры.